Vart heidra med idrettsprisar
Postet av Førde IL den 17. Mai 2016
Firda.no - Publisert: 17. mai 2016, kl. 21:51
Førde IL toppidrettsstipend og Finn Friis Hafstad Minnestipend vart delt ut under 17. mai-feiringa i Førdehuset.
Frå venstre Silvia Kapstad (styrkeløft), Torstein Bu (langrenn), Gjøran Tefre (langrenn), Karoline Erdal (skiskyting) og Håvard Gutubø Bogetveit (skiskyting). (Foto: Geir Ivar L. Ramsli, Firda)
Førde IL toppidrettsstipend:
Tor Starheim frå Førde Idrettslag kunne fortelje at Karoline Erdal mellom anna har vunne gull i junior-VM i skiskyting sprint, VM-bronse i stafett, pluss gull i junior-NM fellesstart.
I tillegg er Erdal òg ein særs dugande motbakkeløpar, langrennsløpar, skyttar og skifeltløpar.
Ho er òg teken ut på utviklingslandslaget i 2016/2017.
Silvia Kapstad var utteken på juniorlandslaget i styrkeløft hausten 2015, og har billett til junior-VM i Praha i september.
Ho har mellom anna vunne VM-sølv i benkpress med 132,5 kilo og VM-bronse i markløft med 192,5 kilo.
Kapstad vart i april Europameister for junior der ho vann alle disiplinar. Mellom anna braut Kapstad draumegrensa på 200 kilo i markløft, og ho sette ny personleg rekord samanlagt med 542,5 kilo.
Kapstad har òg spelt fotball for Førde sitt damelag, og ho har vore instruktør på Førde ILs Sommaridrettsskule i fleire år.
Gjøran Tefre er mellom anna rangert som Norges 50. beste langrennsløpar på herresida, og han debuterte i World CUP sesongen 2015/2016.
I desember 2015 var Tefre kåra til Årets idrettsnamn av Firda-lesarane, og kom i april med på allroundlaget til Thomas Alsgaard.
Håvard Gutubø Bogetveit fekk i februar sin første pallplass i verdscupen i skiskyting i Canmore i Canada då han som ankermann på det norske mixed stafettlaget gjekk inn til ein 3. plass.
Tre veker seinare tok han EM-bronse i mixed stafett i Russland.
Finn Friis Hafstad minnepris:
Torstein Bu vann sølvmedalje i langrenn for U23 på Meråker i 2016, og har hatt jamt gode topp 10 resultat i Norgescupen.
Komiteen for minnefondet har merka seg at Bu kan syne til sterke idrettsprestasjonar i sesongen 2015/2016, og at han er eit godt førebilete for dei andre langrennsløparane i Førde IL. Bu tek òg aktivt del på alle nivå i gruppa, heiter det grunngjevinga.
Lenke firda.no: http://www.firda.no/sport/forde/vintersport/heidra...
Kommentarer
Logg inn for å skrive en kommentar.
Siste fra Førde IL
![Ekstraordinært årsmøte](https://cdn-bloc.no/froala/200000195/1704/2024/7/11/img-3846.jpeg?autorotate=true?autorotate=true&width=100&height=100&mode=pad&scale=both&anchor=center)
Ekstraordinært årsmøte
11.07.2024
![Internasjonal deltaking](https://cdn-bloc.no/froala/200000195/1725/2024/6/27/solheimsdal-1.jpg?autorotate=true?autorotate=true&width=100&height=100&mode=pad&scale=both&anchor=center)
Internasjonal deltaking
27.06.2024
![Nærløp onsdag 26. juni](https://cdn-bloc.no/froala/200000195/1725/2024/6/24/img-6018.jpg?autorotate=true?autorotate=true&width=100&height=100&mode=pad&scale=both&anchor=center)
Nærløp onsdag 26. juni
24.06.2024
![4-dagers Geilo - o-troll](https://cdn-bloc.no/froala/200000195/1725/2024/6/22/img-5975.jpg?autorotate=true?autorotate=true&width=100&height=100&mode=pad&scale=both&anchor=center)
4-dagers Geilo - o-troll
22.06.2024
![Nærløp Langeland 19.6.](https://cdn-bloc.no/froala/200000195/1725/2024/6/22/img-5967.jpg?autorotate=true?autorotate=true&width=100&height=100&mode=pad&scale=both&anchor=center)
Nærløp Langeland 19.6.
17.06.2024
![Lagsmeisterskap lang 12.6,](https://cdn-bloc.no/froala/200000195/1725/2024/6/9/1717964881049.png?autorotate=true?autorotate=true&width=100&height=100&mode=pad&scale=both&anchor=center)
Lagsmeisterskap lang 12.6,
09.06.2024